අහිමි මිතුදම

උඹ මගේ ජීවිතේට ආවේ මම හිතපු නැති විදිහට.
ඒත් ඒ වගේ හිතපු නැති විදිහට , නොසිතූ වෙලාවක මගේ ජීවිතේට ආපු උඹ  මගේ ජීවිතේ ලොකුම පෙරළියක් කරා....

ජීවිතේට සොඳුරු මිතුදමේ අරුත කියල දීපු උඹ ඒ වගේම මට පොළවේ පය ගහල ජීවත් වෙන්න කියල දීපු වාර ගණන අනන්තයි .
උඹෙන් පිටවුණු සමහර වචන හරිම වේදනාකාරියි, ඒත් ඒ හැම වචනයක්ම ඇත්ත. ඒ වචන හමුවේ මගේ මනස වෙලා තිබුණු " මාන්නය එහෙමත් නැත්තම් උද්ධච්චකම" චණ්ඩ මාරුතයක් හමුවේ මුලිනුදුරා වැටුණු වනස්පතියක් වගේ මචන්.

 උඹට මතකද උඹයි මමයි නටපු පිස්සු වල තරම????
අපේ හැම දුකකටම සතුටකටම උඹ මගේ ලඟත් මම උඹේ ලගත් හිටියා. අපි ඒ හැම දෙයක්ම බෙදා ගත්තා...
හිතන්න බැරි වේදිහේ විවිධාකාර බලවේග ( D & S) අපි අතරට ආවත් ඒ එකකටවත් උඹේත් මගේත් එකට Friendship  මොකුත්ම කරන්න බැරි වුණා.

කොටියගේ කැලේ මාරු කලත් උගේ පුල්ලි අරින්න බෑ වගේ සමහර වෙලාවට මගේ පරණ පුරුදු මතු වුණා. ඒ වගේ වෙලාවට මගේ උද්ධච්ච කම නිසා මම උඹ කියපෞ සමහ දේවල් පිළිගත්තේ නෑ. එතකොට උඹ මට කිව්වේ " මචං දැන් උඹ ඉන්නේ _____ එකේ නෙවෙයි සමාජයේ "කියල....

මම සමහර දේවල් ලැජ්ජාව නිසා හංගලා ඇති උඹ ගෙන් , ඒ මොකද මම උඹට කරන්න එපා කියල උපදෙස් දීල අන්තිමට මමත් ඒ වැඩේම කරපු නිසා, ඒත් මම උඹට හීනෙකින්වත් වංචාවක් කරල නෑ මචං.

  අද මගේ උද්ධච්චකම නිසා උඹ මගෙන් ඈත් වුණත් මිතුදමේ අරුත , මිනිසත්බවේ සුවඳ ලංකරල දීපු උඹ මගේ හොඳම යාලුවා මචං, ඒක ඊයේටත්, අදටත් , හෙටටත් හැමදාටමත් එහෙමමයි.

 කවදා හරි දවසක උඹ ආයෙමත් මට ඉස්සර වගේ " මචං" කියල කතා කරන දවස එනකම් මම දෑස් දල්වා බලා ඉන්නවා , මොකද මම මගේ ජීවිතේට උඹෙන් ඉගෙනගත්තු මුල්ම දේ තමයි " මචං කවදාවත් බලාපොරොත්තු නැතිකරගන්න එපා, ඒවා පපුවේ කොතනහරි තියාගෙන ඒවා ජීවත් කරවපන්" කියලා

Most of it is my story......:( :(

හොඳ යාලුවෙක්  අපෙන් කොයිතරම් වරදක් වුනත් එක අමතක කරලා  ආයේ එනවා බන් .... බලාපොරොත්තු  අත්  අරින්න එපා ...:D