Re: සමනල පාලම

2014-01-04, 7:40 am

thawama umbe ad iwara nedda ban? :shock: :shock: :shock: :shock: :shock:

2014-01-04, 11:59 am

Siyapath wrote:thawama umbe ad iwara nedda ban? :shock: :shock: :shock: :shock: :shock:

මේක ඇඩ් එකක් නෙමෙයි. පෝස්ටරේ. lol!

:)

2014-01-04, 12:30 pm Message reputation : 100% (7 votes)

බොහෝ සිදුවීම් පෙළක් අවසානයේ ඔවුන් ගතකල විවේකී කාලපරිච්ඡේදයට කුමන මොහොතේ තිත තැබේවිදැයි නොදන්නා මුත් ඒ සඳහා මොහොතක් එළඹෙන බව නිශ්චිතවම ඔවුහු දැන සිටියහ. පැවති අධික හිම පතනය විසින් පරිසරය මෙන්ම ඔවුන්ගේ ජීවිතද සීතල කර තිබුණි. ඒ පැරණි නිවසේ දොර ජනෙල් වැසූ පසු ඇතුළත ඉතිරිව තිබුනේ අන්ධකාරයත් සීත කබා වලින් හැමූ පුස් ගඳකුත් පමණි. ඒහෙත් උණුසුම් කෝපි ඒ සියල්ල අමතක කර දමමින් ඔවුහු රසවත් කළහ.

‘‘හෝම්ස් මහත්මයා...........“

‘‘වොට්සන්. කවුරු හරි කෙනෙක් කතාකරන සද්දයක් ඇහුනද“

“මං දන්නව මගේ මිත්‍රයා ඔබ නියම රහස් පරීක්ෂකයෙක් බව. ඒ නිසානෙ දොරේ වදින හුළං පාරත් මනුස්ස කට හඬක් වගේ ඇහෙන්නෙ“

වොට්සන්ගේ පිළිතුරින් සෑහිමකට පත් නොවූවත් පිටත පරිසරයේ ඇති සීතල මතකය හොම්ස් ඒ හඬ පිළිබඳ සිතිවිල්ල අමතක කර දමන්නට සමත්විය.

මිනිත්තු කිහිපයක් නිහඬවම ගතවිය.

‍“ගෙදර කවුරුවත් ඉන්නවද..........“

තරමක සිහින් කෙඳිරියක් බඳු එහෙත් හැකිතාක් වෙර යොදා ආයාසයෙන් නිකුත් වූ හඬක් දෙදෙනාටම එකවර ඇසුණේය. දෙදෙනාම එකවර දොර වෙතට ගියහ. පිටත නැරඹීමට ඇති සිදුරෙන් එකවර බලන්නට ගොස් තම තමන්ගේ හිසු කබල්ද එකිනෙක හපුපාගත්තෝය. එහෙත් වෙනදා පරිද්දෙන්ම වොට්සන්ට පළමු අවස්ථාව හිමිවිය.

“ කවුරුවත් නෑ මගේ මිත්‍රයා“

“........කෝ මමත් බලන්න.........හ්ම්.........නෑ නේනනම්.“

හොම්ස් නැවතත් අසුන වෙත යන්නට හැරුණේය. වොට්සන් ඒ වනවිටත් විසිත්ත කාමරයේය.

“නෑ වොට්සන් කවුරුහරි කෙනෙක් ඉන්න ඕනෙ. ඇත්තටම කිව්වොත් පිටත බලන කාචයට හසු නොවෙන කෙනෙක්.“

“එහෙනම් දැන් ඔබ මුණගැසෙන්නට භූතයනුත් එනවා“

වොට්සන් බොරු බයක් පෙන්වමින් සිය උපහාසය ප්‍රකට කලේය.

“හොඳයි අපි බලමුකො එහෙම කෙනෙක්ද කියල“

එසේ පවසමින් හොම්ස් විසින්ම දොර විවර කළේය.

“ඔබ නම් පුදුම කෙනෙක් හොම්ස්.“

“පුදුම වෙන්න එපා වොට්සන්. මේ රෝදපුටුවෙ ඉන්න ඉලන්දාරිට සීතල හැදිල නරක දෙයක් වෙන්න කලින් ගේ ඇතුළට ගන්න උදව් කරන්න“